Fábula Galénica

Fábula Galénica - diapositivas

O venres,8 de xuño,a compañía de teatro "As tartarugas de Fontes", representounos na sala de Usos Múltiples a obra: Fábula Galénica, onde  " hai animais que falan como as persoas e persoas que se comportan como animais", conta as aventuras do burro da tía Lola, personaxe inmortalizado polos gaiteiros Os Dezas de Moneixas no pasodobre do mesmo nome.
A decisión de Don Cardo de construír un castelo novo está a piques de acabar cos recursos naturais e económicos da súa contorna. O burro da tía Lola coa axuda dos animais e outros seres da fraga enfrontarase a el para recuperar o ecosistema.
Pasámolo  moi ben con todos os personaxes, pero o momento máis divertido foi a cagada do crego na fochanca do lobo e da raposa.
Esquecíame! , hoxe están de aniversario, pois cumpren 10 anos en escena.
Moitas felicidades! , e ata o ano que ven!

Sensacional a representación desta obra de teatro. Cada ano nos sorprenden máis.

A nosa felicitación para toda a compañía porque a posta en escena foi espectacular.

Non paramos de rir polos diálogos tan graciosos e inxeniosos.