Le connosco

Preme na imaxe

Chega o Entroido

Durante esta semana a sardiña mandará cousas para facer.
O luns, todos/as deberemos levar ao colexio uns pantalóns vaqueiros remangados.

O Carnaval

Que bonito o Carnaval
con carautas
con anteollos
con colores
con fazulas de cartón
con sombreiros
e con flores.
Vaia carnavalada
con filloas
con orellas
e unha boa laconada.
No Carnaval,carnavaliño
Maruxa fai de Carme
e Carme fai de Pedriño.

Concha Blanco "Poemas para pintar"

Inverno en E.Infantil

Chegou o inverno e os nenos/as de E.Infantil fixeron este mural tan fermoso que cambiará cada estación.
Choiva toliña
Choiva toliña
e rebuldeira,
baixa das nubes
mixiriqueiras.

Ven onde a min,
á miña beira,
que quero verte,
que quero leria.

Falas con pingas
lingoreteiras
que son alegres
e brincadeiras.
A.García Teijeiro

Viaxe do 3º Ciclo a Vigo

O xoves,día 28,fomos visitar ANFACO,museo de conservas.
Alí vimos máquinas antigas,a maqueta dunha fábrica de conservas e un escritorio antigo.
Explicáronnos como se elaboraban as conservas,labores realizados,principalmente por mulleres.
Despois visitamos Salinas que é unha excavación arqueolóxica onde se atoparon unha serie de obxectos romanos e unha salina.
Fomos vendo a importancia do sal e os distintos usos que se poden facer del.
Ata poidemos cheirar unha salsa romana chamada " garum "!.
As dúas visitas estiveron xenial!.

Salón do libro en Pontevedra

Edición 2010: A cidade Preme

Pescamos palabras bonitas

,
O venres día 29 de Xaneiro,despois do recreo celebramos "O Día da Paz".
Recitaron por clases o "Dicionario da Paz" que escribiu e ilustrou todo o alumnado.
Tamén contestaron a estas preguntas:
. Que é a Paz?
. Quen constrúe a Paz?
. Como construir a Paz?
. Estar en Paz quere dicir que non podemos discutir nunca?
. Por que é importante a Paz?
Preguntas que recollemos do caderno de Educación en Valores "Que viva a Paz".
Rematamos co conto "A árbore da palabra" contado polo alumnado de 5º e rapeando un poema da Paz, inventado por un grupo de alumnos de 6º.
Non debemos esquecer que "A Paz comeza por cada un de nós"

Dicionario da Paz

Libro realizado por todo o alumnado.
Cada clase traballou catro palabras relacionadas coa Paz e logo ilustrounas para facer este libro.
Preme na imaxe