Día da Poesía

Madrigal á cidade de Santiago

Chove en Santiago

meu doce amor.

Camelia branca do ar

brilla entebrecida ó sol.

Chove en Santiago

na noite escura.

Herbas de prata e de sono

cobren a baleira lúa.

Federico García Lorca

María Soliña

Polos camiños de Cangas

a voz do vento xemía:

ai,que soliña quedaches,

María Soliña.

Nos areais de Cangas

muros de noite se erguían:

ai,que soliña...

As ondas do mar de Cangas

acedos ecos traían:

ai,que soliña...

As gaivotas sobre Cangas

soños de medo tecían:

ai,que soliña...

Baixo os tellados de Cangas

anda un terror de auga fría:

ai,que soliña...

Celso Emilio Ferreiro

Dende a Biblioteca,propuxemos para celebrar o Día da Poesía:

- Limericks ( 2º e 3º Ciclo)

- Eu quero ser...

pero eu son...

- Versos ordenados (1º Ciclo)

Esperamos os vosos traballos