Durante os primeiros 15 días do mes de Marzo,traballamos cos xornais desde E.Infantil ata 6º de E.Primaria nas nosas aulas, para provocar no alumnado reflexións sobre dito medio de comunicación e lograr que logo sexan usuarios críticos. Pensamos que é moi importante que os nenos/as manipulen os xornais para descubrir o que conteñen no seu interior, cómo están organizados, analizar a 1ª páxina, titulares, seccións e publicidade. Tamén pretendemos que xoguen cos xornais: manipulen, compoñan frases, corten letras e palabras, coloreen titulares, constrúan figuras, realicen actividades plásticas, confeccionen murais... Todo isto fixémolo de forma lúdica e centrado no noso Proxecto Lector de Centro "O mar de historias".
